Vieiros

Máis de seis horas de conversa ininterrumpida sen resultados concretos. A maratoniana xornada deste mércores en Monte Pío é quizais o exemplo máis ilustrativo do difícil que está a ser o nacemento do novo Estatuto de Galiza. Quintana, que foi o primeiro en falar ante os medios, adiantou que non había acordo entre as tres forzas. O preámbulo, onde se discute a identidade nacional de Galiza segue a ser o grande atranco que xa semella insalvábel. Feijoo non aceptou ningunha fórmula en que se recollera o termo nación. Tamén houbo diferencias claras arredor do status legal da nosa lingua. O PP non quere que se contemple o "deber" de coñecer a lingua galega. Anxo Quintana cre que a crispación política que existe en Madrid entre o PSOE e o PP ten boa culpa do desacordo; Feijoo e Touriño tamén compartiron parte desta idea. Non se agardan novas reunións dos líderes xa que non se albiscan posibilidades de acordo a curto prazo. A continuación debullamos as claves da xornada.

• Touriño confirma que haberá reforma, pero agora non é o momento
• Quintana di que a crispación da política estatal condicionou a xuntanza
• Feijoo insinúa que había posibilidades dun "acordo a dous"
• Crónica dun desacordo
• O PPdeG ve o país como unha "das rexións históricas do mundo occidental"
• A proposta do PSdeG apelaba á Lei de Símbolos para falar de "nación"
• Ás portas da xuntanza o PPdeG destaca novos atrancos para o consenso estatutario
• Os documentos coas posicións iniciais dos partidos: PPdeG; PSdeG e BNG (formato .pdf)
• De Aragón a Ceuta: a maioría aceleran na reforma estatutaria
• Que Estatuto e para cando? Opina no foro libre de Vieiros sobre o proceso de reforma estatutaria