Vieiros

"É un día histórico e de reivindicación para os pobos da nosa América, a Asemblea Xeral da OEA derrogou sen condicións a resolución pola que se expulsou a Cuba desa organización", recolle un comunicado oficial deste mércores do goberno cubano. O executivo liderado por Raúl Castro asegura non estar interesado a curto prazo en volver a este foro, pero felicita o paso dado ao aceptaren que isto poida acontecer no futuro.

Na consecución deste novo escenario foi clave o cambio de posición dos Estados Unidos que, coa secretaria de Estado á fronte, Hillary Clinton, avalaron na asemblea da organización esta semana o permiso para a volta de Cuba á OEA. "Non queremos combater vellas batallas nin vivir do pasado e estamos a prol da construción dun mellor futuro para todas as Américas", expresou ao respecto o adxunto da secretaría dos Estados Unidos para Latinoamérica. Ao respecto, engadiu Clinton que o eventual regreso de Cuba á OEA debera producirse no marco do "cumprimento cos propósitos e principios da organización, incluído a democracia e os dereitos humanos".

Para ampliar:

• BBC Latinoamérica: A fin dun anacronismo



• Axencia Bolivariana de Noticias: A resolución da OEA demostra que xa non somos colonias