Vieiros

O último mes de marzo deixou nas listas do paro a un total de 2.278 galegos máis. Así o desvelan os datos do Servizo Público de Emprego Estatal (SPEE), dados a coñecer este martes. Segundo esta estatística, o desemprego medrou nun 0,97% e a cifra total de parados xa suma un total de 236.449 persoas.

Nun ano, o paro aumentou en 24.965 persoas (11,8%)as que tiñan emprego en marzo do ano pasado e que, non obstante, hoxe están anotados las listas do antigo INEM. Estas cifras volven estar por enriba da media estatal, onde o paro rexistrado subiu un 0,87% (35.988 persoas con respecto ao mes de febreiro).

O sector que rexistrou máis desempregados foi o colectivo sen emprego anterior, con 1.030 parados máis. Séguelle o sector industrial, onde houbo 500 parados máis; o de Servizos (+441) e o da Construción (+428). Pola contra, no sector do agro houbo 121 parados menos.

Podes ler en Vieiros a información dos últimos meses:

• Febreiro: O mes de febreiro deixa 2.500 novos parados no país
• Xaneiro: O paro segue subindo en Galiza a maior ritmo que no Estado
• Decembro: No último ano, 33 mil galegos perderon o seu traballo
• Novembro: O paro increméntase en Galiza case o dobre que no Estado
• Análise: Que pode facer a Xunta ante o incremento do paro?